Nis Kampionati Europian në Francë

Franca ka fituar ndeshjen e parë të Kampionatit Europian që zhvillohet në shtëpinë e saj. Gjelat munden vetëm ne fund 2 me 1 Rumanie ne sfidën e vlefshme për grupin A. Përfaqësuesja e drejtuar nga Deshamp e konsideruar një nga favoritet e mëdha të turneut hasi mjaft vështirësi përball një kundërshtari mjaft të organizuar taktikisht. Një pjesë e parë me shumë raste në të dyja portat ku Andon që në fillim shpërdoroi një rast të shkëlqyer për ballkanasit ndërsa më tej Grizman goditi shtyllën dhe pati një rast tjetër të mirë për shënim, për francezet. Starti i pjesës së dytë ishte i njëjti. Rumunet patën shansin e parë të madh me Stancu përpara se Zhiru dhe Pogba të kundërpërgjigjën. Megjithatë rezultati do të zhbllokohej me koke nga Zhiru i aftë për të shkuar tek topi para portierit rumun. 6 minuta zgjat avantazhi i të zotëve të shtëpisë, pasi Stankju rrezohet në zonë në mënyrë të gabuar nga Evra dhe nga pika e bardhe e penalltisë Bogdan Stancu barazoi shifrat. Reagimi i Francës nuk ishte i duhuri. Grizman dhe Pogba lanë fushën, ndërsa zëvendësuesi Marsial provoi të shënonte në minutën e 81. E megjithatë per t’i dhëne tre piket e para organizatoreve te europianit ka menduar Dimitri Paje me një supergol me te majtën ne minutën e 89. Këtë te shtune është radha e debutimit historik te Shqipërisë ne nje komepticion kaq madhor. Kuqezinjtë luajnë ne orën 15:00 kundër Zvicrës ne ndeshjen tjetër te grupit A.
Me herët, para nisjes se ndeshjes organizatoret e këtij evenimenti, kishin rezervuar nje ceremoni jo te gjate, por te bukur. 12 minuta koreografi, plot ngjyra dhe entuziazëm kane dhuruar 400 vullnetaret dhe 150 balerinat qe performuan ne fushën e lojës. Forcat ajrore franceze dhuruan spektakël ne qiellin mbi stadiumin “Saint Denis”, ndërsa detaje pikante ishte prania në mënyre simbolike kullës Eifel, brenda stadiumit e po ashtu edhe performimi i himnit zyrtar të euro 2016 nga David Gueta. Gjithçka është realizuar në masa të rrepta sigurie dhe kontrolle të jashtëzakonshme brenda dhe përreth stadiumit kundër terrorizmit. Ky është edicioni i 15 i kampionatit europian, teksa për herë të parë marrin pjesë 24 ekipe. Favorite te mëdha janë Gjermania, Franca dhe Spanja.