Kryeparlamentarja Lindita Nikolla ka zhvilluar sot një vizitë zyrtare në Turqi, me ftesë të Kryetarit të Asamblesë së Madhe të Republikës së Turqisë, Mustafa Şentop.
Gjatë këtij takimi, Nikolla shprehu mirënjohje për ndihmën e ofruar Shqipërisë për përballimin e pasojave të tërmetit.
“Takim miqësor dhe i përzemërt në Pallatin e Asamblesë së Madhe të Republikës së Turqisë me Kryetarin Mustafa Şentop. Lidhjet midis Shqipërisë dhe Turqisë janë të thella, tradicionale dhe vëllazërore. Shqipëria dhe Turqia janë partnerë të ngushtë e të besueshëm në NATO dhe punojnë për të arritur objektivin kombëtar, anëtarësimin në BE.Bashkëpunimi parlamentar është i shkëlqyer dhe nxit Partneritetin Strategjik, në shërbim të zhvillimit, stabilitetit, paqes e progresit në rajon e më gjerë.”
Presidenti Erdogan pritet të vijë së shpejti në Shqipëri, ku do të inagurojë 524 apartamente të reja në Bashkinë e Kurbinit, të cilat u dëmtuan nga tërmeti i 26 nëntorit të vitit 2019.
