Avokati Spartak Ngjela vlerësoi deputetin shqiptar në Parlamentin serb, Shaip Kamberi, që ngriti zërin në sallë për krimet e Serbisë kundër shqiptarëve.

 

Përmes një postimi në “Facebook”, Ngjela e konsideroi Kamberin një shqiptar trim e patriot. Ai vuri në dukje se ky denoncim i krimeve në mes të Parlamentit ndodh për herë të parë pas 100 vitesh.

 

“Shaip Kamberi, deputet në Parlamentin e Serbisë, i cili është edhe kryetari i Partisë shqiptare për Veprim Demokratik, në Serbi; deklaroi sot, me denoncimin e tij të hapur në sallën e parlamentit të Serbisë, për të gjitha krimet që kanë kryer hordhitë serbe të Milosheviçit në Kosovë. Me një elokuencë të nivelit të lartë, shqiptari trim, patriot dhe njeri i vlerave të mëdha kombëtare, Shaip Kamberi, është sot një shembull brilant i karakterit patriotik shqiptar. Pas njëqind vjetësh, ky është rasti i parë që një Shqiptar në Parlamentin e Serbisë denoncon krimet monstruoze të Serbisë kundër shqiptarëve autoktonë. Pikërisht në këtë ditë, po në parlament, presidenti i Serbisë, Aleksandër Vuçiç, gati sa nuk shpalli falimentimin në lidhje me pretendimet e Serbisë kundrejt Kosovës së lirë e të pavarur. Një lavd të veçantë i drejtojmë në këto çaste, Shaip Kamberit, deputetit tonë shqiptar në Parlamentin e Serbisë, si një shqiptar trim, patriot dhe me vlera të larta të shqiptarizmit.”

 

Shaip Kamberi iu drejtua presidentit serb Aleksandër Vuçiç, duke i kërkuar që Serbia të bisedojë me njerëzit, të cilëve u ka vrarë fëmijët dhe një pjese, edhe të gjithë familjen.

 

 

 

Leave a Reply

Your email address will not be published.