Policia e Beratit ka finalizuar pas disa muajsh hetime operacionin policor të koduar “Kontakti” dhe ka zbuluar një apartament që përdorej për të ushtruar prostitucion.
Në pranga, në kuadër të këtij operacioni u vunë dy shtetase vietnameze dhe 31-vjeçari që u kishte dhënë apartamentin me qira.
Policia njofton se ka vënë në pranga shtetasin Xh. S., 31 vjeç, banues në Berat (i dënuar më parë, për veprat penale “Vrasja”, mbetur në tentativë, “Dhuna në familje” dhe “Vjedhja”), si dhe shtetaset vietnameze Th. D., 39 vjeçe dhe Th.(Th.) D., 39 vjeçe.
Nga hetimet rezultoi se 31-vjeçari iu kishte dhënë me qira, 2 shtetaseve, apartamentin e tij në lagjen “30 Vjetori”, në të cilin ato ushtronin prostitucion.
Policia sekuestroi pasaportat e 2 shtetaseve, 4 celularë dhe para të përfituara nga kjo veprimtari e kundërligjshme.
Vijojnë hetime për të identifikuar dhe nxjerrë përpara përgjegjësisë penale, shtetas të tjerë që mund të jenë implikuar në këtë rast./vizionplus.tv
