Real Madid ka marrë një fitore të madhe në Angli mbrëmjen e sotme përballë Manchester Cityt në ndeshjen e parë të “Playoff”it në Champions League.
Supersfida i përmbushi të gjitha pritshmëritë teksa u mbyll me një fitore spektakolare të spanjollëve me rezultatin 2-3.
Të parët që kaluan në avantazh ishin pikërisht vendasit. Erling Haaland ishte autori i golit në minutën e 19-të. Sulmuesi norvegjez, pasi u gjet para portës pas një pasimi nga Gvardiol me një gjuajtje të lehtë dhe të kalibruar dërgoi topin në rrjetë.
Ky do të ishte goli i vetëm për sa i përket fraksionit të parë edhe pse loja ishte e një ritmi shumë të shpejtë ndërsa rastet për shënim ishin të shumta nga të dyja skuadrat.
Reagimi i spanjollëve do të vinte në minutën e 60-të të pjesës së dytë, teksa Kylian Mbappe barazoi rezultatin.
Sulmuesi francez, pas një pasimi spektakolar të Ceballos lëshon një gjuajtje të menjëhershme nga brenda zonës duke mposhtur portierin Ederson.
Haaland riktheu sërish në avantazh anglezët, por goli i Dias në fund prishi festën e të besuarve të Guardiolës. Në fund një gol i Bellingham i dhuroi suksesin Realit të cilët në ndeshjen e kthimit do të jenë të avantazhuar për sigurimin e një bilete për në fazën e 1/16-ve.
Në dy sfidat e tjera, Dortmund fitoi 0-3 ndaj Sporting, me golat e Guirassy, Gross e Adeyemi. Juventus mundi 2-1 PSV. McKennie e Mbangula nderuan “Zonjën e Vjetër”, ndërsa goli i holandezëve mban firmën e Perisic.
