Ditën e enjte qeveria pritet të mblidhet për herë të fundit për këtë vit.
Të dhënat flasin se pjesë e rendit të ditës është diskutimi për të dhënë shpërblim për punonjësit e policisë. Burime për Vizion Plus konfirmojnë se kjo vendimmarrje është në diskutim, ku rreth 7 mijë policë do të mund të marrin 10 mijë lekë shpërblim.
Përfitues mendohet të jenë ata efektiv të rolit bazë, pra gradat e ulëta, duke përjashtuar drejtuesit madhorë. Fondi që po diskutohet është rreth 750 mijë euro.
Shpërblim për këtë vit përfituan edhe rreth 7700 punonjës të shërbimeve mbështetëse në administratën publike në masën 15 mijë lekë. /vizionplus.tv
