Një 39-vjeçare, që ishte e dedikuar me ushtrimet e sportit për trupin, humbi betejën 2-vjeçare me kancerin. Ajo publikoi një mesazh pas vdekjes, në rrjetet sociale.

“Nëse e lexoni këtë postim, do të thotë që kam vdekur”, nis mesazhi i saj i skeduluar. Gemma Sisson thotë në shkrimin e saj se ndihet shumë keq për njerëzit që po lë pas.

Por ajo shtoi se vdekja e saj duhet të shërbejë si një paralajmërim për të sëmurët e tjerë me kancer që mendojnë se janë shëruar. Gemma u diagnostikua për herë të parë me kancer në prill 2018 dhe iu nënshtrua kurës rraskapitëse.

Ajo mendoi se u shërua, por vetëm një muaj më pas mjekët i thanë se sëmundja ishte rikthyer. Madje ajo ishte përhapur në mëlçi, shpinë dhe stomak.

Gemma vdiq paqësisht në krahët e burrit të saj. Vetëm disa orë pas vdekjes së saj miqtë e saj dhe familja u befasuan kur u shfaq një postim në llogarinë e saj në mediat sociale.

“Nëse po postohet kjo do të thotë që më në fund kam vdekur pas disa javësh. Megjithëse ndihem keq për të dashurit që do të lë pas, do të jem e lumtur që po largohem nga kjo sëmundje. Unë me të vërtetë shpresoj që duke e treguar historinë time të kancerit dhe duke bërë kërkesë për skanime të kancerit sekondar që të bëhen të detyrueshme, kam dhënë ndikim pozitiv, dhe madje nëse vetëm 1 person merr një ndihmë nga kjo, atëherë do të ndjehem sikur kam realizuar diçka të mirë. Unë me të vërtetë nuk mund ta falënderoj Rick-un, i cili ka qenë me mua dhe më dha një dashuri të mrekullueshme dhe shumë mbështetje gjatë kësaj kohe të tmerrshme. Dua që të gjithë të dashurit e mi ta dinë se dhimbja dhe vuajtja tani është ndalur dhe tani jam në fund në paqe. Jetojeni jetën në maksimum, mos merrni asgjë për të mirëqenë.”

Prekës ishte edhe postimi i bashkëshortit të saj, Ricky, i cili shkroi se ndihej i thyer. Po ashtu, ai tha se mezi pret që të bashkohet me të në botën tjetër.

Leave a Reply

Your email address will not be published. Required fields are marked *