Policia në Britaninë e Madhe arrestoi një 25-vjeçar shqiptar, Anisi Hemollari. Mediat britanike shkruajnë se ai u prangos si i akuzuar për kultivim të lëndëve narkotike.
I riu shqiptar kishte marrë një apartament me qira, për të cilin kishte paguar 6.438 paund, për ta kthyer në një ambient ku kultivohej kanabisi.
Në momentin e arrestimit, ai tentuar të korruptojë efektivët e policisë, duke iu ofruar 7 mijë paund. Por ata nuk e pranuan diçka të tillë dhe Anisi Hemollari u përball me autoritetet, duke u dënuar me 18 muaj burg.
Shqiptari pretendoi para gjykatës se është përdorur nga një bandë trafikimi për të marrë me qira pronën dhe për të ujitur bimët. Policia britanike u vu në lëvizje për prangosjen e tij pasi u ankuan fqinjët për erën e rëndë të kanabisit.
