Drejtuesi politik i Partisë Socialiste për qarkun e Fierit, Taulant Balla së bashku me kryetaren e Bashkisë Lushnje, Eriselda Sefa kanë inspektuar punimet në rrugën “Taulla Sinani-Esma Dervishi” në Lushnje, segment i rëndësishëm i lagjes “Xhevdet Nepravishta”.

 

 

Ashtu siç iu ishte premtuar banorëve, ky aks rrugor është duke përfunduar brenda afatit.

 

 

“E kisha me shumë merak sepse kur biseduam me banorët gjithmonë a do të arrijmë ta mbarojmë në fund të vitit”– u shpreh Balla.

 

Kryetarja e Bashkisë, Eriselda Sefa bëri me dije se përgjatë këtij aksi do të ndërhyhet edhe në blloqet e banimit për të krijuar hapsira relaksuese për fëmijët dhe moshat e treta.

 

 

“Me fondet që kemi marrë edhe nga Fondi Shqiptar i Zhvillimit do të ndërhyjmë në blloqet e banimit për të krijuar ambjente shlodhëse për fëmijët dhe moshat e treta”.- tha kryetarja Sefa.

 

 

Më tej Balla shtoi se është me rëndësi që punimet që po kryhen në Bashkinë Lushnjë t’i rezistojnë kohës.

 

Leave a Reply

Your email address will not be published. Required fields are marked *