Aktori dhe producenti i mirënjohur francez Alain Delon është ndarë nga jeta në moshën 88-vjeçare. Lajmi u konfirmua për mediat nga tre fëmijët e aktorit.
Delon 88-vjeç u shua në shtëpinë e tij i rrethuar nga familjarët, të cilët kërkuan privatësi.
Ylli i “Le Samourai” , Plein Soleil dhe The Leopard, ka qenë në gjendje jo të mirë shëndetësore që kur pësoi goditje në tru në vitin 2019.
Alain Delon është një aktor legjendar francez i njohur për sharmin e tij dhe talentin e jashtëzakonshëm. Me një karrierë që përfshin mbi gjashtë dekada, Delon është një nga figurat më ikonike në historinë e kinematografisë franceze dhe botërore.
Nga roli i tij i rëndësishëm në “Purple Noon” deri tek interpretimet e tij magjepsëse në filma si “Le Samouraï” dhe “Rocco and His Brothers”, Delon ka lënë një gjurmë të pashlyeshme në ekran.
Delon lindi më 8 nëntor 1935 në veri të Francës dhe ishte djali i menaxherit të një kinemaje të vogël, ndërsa nëna e tij ishte shitëse dyqani. Prindërit e tij u ndanë kur Alain ishte katër vjeç dhe djali i vogël iu besua një familjeje birësuese. /vizionplus.tv
