221 banesa të reja u ndanë këtë të enjte për familjet e Fushë-Krujës që u dëmtuan nga tërmeti tragjik i 26 nëntorit.
Përzgjedhja u bë me short në ambientet e nje shkolle 9-vjeçare. Çdo anëtar familjeje pasi u regjistrua në komisionin e posaçëm të ngritur nga autoritetet, tërhoqi një gogël, e cila përcaktonte katin apo numrin e banesës që përfitonte.
Vet banorët u shprehën të kënaqur me procesin.
Flasin banorët përfitues:
Jam përfitues i një shtëpie 2+1. Jam shumë i kënaqur me procesin e ndarjes.
Përfitova një shtëpi 2+1. Falenderoj qeverine, Zotin Rama në vecanti. Jemi shume falenderues.
Kemi gati 2 vjet që po presim se ku do marrim shtëpi. Jam i kënaqur me këtë lloj mënyre si u be i gjithe procesi i ndarjes.
Në total u shpërndanë 124 shtëpi individuale dhe 97 apartamente, të cilat janë në përfundim e sipër. Çelësat të gjitha familjeve të kësaj zone do u dorëzohen pas datës 20 nëntor.
Një ditë më parë, ishin banorët e Bubqit ata që përfituan banesa të reja.
I njëjti proces, përmes shortit, pritet të vijojë edhe me banorët e Thumanës si dhe ata në Tiranë.