Sekretari i përgjithshëm i NATO-s, Jens Stoltenberg ka deklaruar se ndryshe nga marrëveshja në Stamboll, Rusia nuk po zvogëlon operacionet e saj ushtarake në Ukrainë, por po riorganizon forcat në rajonin lindor të Donbasit. Shefi i bllokut ka paralajmëruar për sulme edhe më të mëdha në qytetet ukrainase.
JENS STOLTENBERG
SEKRETAR I PERGJITHSHEM, NATO
“Bazuar në të dhënat e forcave të inteligjencës së NATO-s, njësitë ruse nuk po tërhiqen por po ripozicionohen. Rusia po përpiqet të rigrupohet, të rifurnizohet dhe të përforcojë ofensivën e saj në rajonin e Donbasit. Në të njëjtën kohë, Moska po vazhdon presionin në Kiev dhe në qytete të tjera. Në këto kushte ne mund të presim të tjera sulme më madhore në Ukrainë.”
Sakaq, presidenti ukrainas Volodymyr Zelenskiy,ka mbajtur një fjalim në Parlamentin australian, atë belg dhe hollandez, duke kërkuar sanksione më të ashpra ndaj Rusisë.
VOLODYMR ZELENSKIY
PRESIDENT I UKRAINES
“Ne kemi nevojë për ndihmën tuaj. Kemi nevojë për armë dhe ndihmë financiare për rindërtimin e vendit. Duhen sanksione më të ashpra në mënyrë që Rusia të mos ketë asnjë shans për të pushtuar asnjë vend tjetër në Europë dhe t’i japë fund luftës. Ndaloni të gjitha aktivitetet tregtare me Rusinë.”
Ndërkohë, pas denoncimeve të vazhdueshme nga perëndimi, mbi situatën katatrofike humanitare në qytetin port strategjik të Mariupol, Moska ka pranuar një armëpushim për të lejuar evakuimin e civilëve.
Autoritetet ukrainase njoftuan se një kolonë prej 45 autobusësh është nisur për të ofruar furnizimet e nevojëshme. Rreth 170,000 banorë kanë mbetur të bllokuar në rrënojat e qytetit të shkatërruar thuajse tërësisht.
