Astronomët e agjencisë hapësinore amerikane kanë zbuluar një ekzoplanet i cili gjendet jashtë sistemit tonë diellor dhe mbart në atmosferë avuj uji si dhe temperatura ku mund të zhvillohet jeta.
Ata gjithashtu kanë dalluar prani të bollshme të heliumit dhe hidrogjenit.
INGO WALDMANN
BASHKAUTOR I STUDIMIT
“Mbi 4,000 ekzoplanetë janë zbuluar, por ne nuk dimë shumë për përbërjen dhe natyrën e tyre. Ka të ngjarë që ky të jetë zbulimi i parë mes planetëve potencialisht të banueshëm. Super-Tokat si K2-18b janë planetët më të zakonshëm në galaksinë tonë, por edhe xhuxhët e kuq, yje më të vegjël se Dielli ynë, janë gjithashtu yjet më të zakonshëm”.
Exoplaneti, i njohur si K2-18b, është vlerësuar sa tetë herë masa e Tokës dhe njihet si një super-Tokë, ai gjendet 110 vite dritë larg planetit tonë në yjësinë Leo dhe plotëson një orbitë rreth yllit të saj çdo 33 ditë.
Studiuesit besojnë se elementë të tjerë si azoti dhe metani gjithashtu mund të jenë të pranishëm në atmosferën e tij, por vetëm vëzhgimet e ardhshme nga teleskopët më të përparuar do t’i zbulojnë ato.
Nisur në mision 1 vit më parë, teleskopi orbital i NASA-s, TESS, ka si qëllim kërkimin e planetëve jashtë Sistemit Diellor. Ai do të zgjasë për 2 vjet dhe i ka kushtuar qeverisë amerikane 337 milionë dollarë.
