Ish-kryeministri Sali Berisha fajëson Ramën për krizën energjitike.
Gjatë “Foltores” në qytetin e Gjirokastrës, ai hodhi akuza ndaj kreut të qeverisë, duke thënë se sot nuk kemi të bëjmë me krizë gazi, po krizë të krijuar nga vetë qeveria Rama.
Më tej, ai u shpreh se sot çmimi i energjisë në vendin tonë është tre herë më i lartë se në muajin gusht.
“Kjo është krizë e krijuar vetë, nuk është krizë e gazit në Shqipëri, është krizë e Edi Ramës, e ministres së papërgjegjshme. Boshatisën kaskadën. Nafta në Shqipëri është cent për cent baraz me Zvicrën. E dini sa janë rrogat në Zvicër, të ardhurat vjetore. Janë 95 mijë dollarë, janë 5 mijë e 200 dollarë në Shqipëri. Qytetarët zviceranë marrin 18 herë më shumë se ne dhe litrin e naftës e paguajnë njësoj me ne. Pse do rritet nafta? Je ti i përzier në këto afera. Dilte edhe thoshte nuk jam diktator të kontrolloj çmimet. Je njeri i pamëshirë, që të peshojnë në para sa herë u teket. Unë nuk godas lirinë e tregut, por godasë spekulimet. Një lloj sadisti, që thotë do kemi krizë të madhe shumë”, tha Berisha.
