Thuajse një javë nga nisja e sulmeve në Lindjen e Mesme, impakti i parë i menjëhershëm ishte në tregun e energjisë, konkretisht në atë të hidrokarbureve.
Çmimi i naftës për fuqi u rrit menjëherë pas sulmeve, ndërsa këtë të premte u mbyll në kufinjtë e 85 $ për fuçi.
Në mesjavë çmimi i naftës u rrit në tregun vendas fillimit me 4 lekë, duke arritur në 179 lekë për litër. Por të premten arriti kulmin me 185 lekë për litër.
Gjergj Buxhuku përfaqësues i Konfindustria, i ftuar në emisionin E-ZONE tha se tregu i hidrokarbureve ka qenë dhe mbetet me çmime spekulative. Sipas tij duhet të ndërhyjë qeveria.
“Dëgjova që Autoriteti i konkurrencës ka nisur monitorimin e tregut. Unë nuk kam besim në punën e tij. Këtë mosbesim e tregun e kaluara. Nuk ka patur asnjë vendim mbi tregun e hidrokarbureve, i cili prej vitesh është në kufinjtë e oligopolit. Madje edhe pas konfliktit Rusi-Ukrainë ne nuk patëm asnjë vendim nga ky institucion”, tha Buxhuku.
Sipas Buxhukut, qeveria duhet të ndërhyjë në këtë treg dhe të marrë vet përgjegjësinë e kësaj situate, pasi mund të kemi abuzime të mëtejshme në treg.
“Deri më tani rritja ka qenë brenda një normaliteti. Por qeveria duhet të marrë vet përgjegjësinë politike të kësaj situatë dhe të monitorojë tregun e naftës. Nuk duhet të lihet ky treg në dorë në Autoritetit të Konkurruencës. Jemi përballë një situatë e cila mund të zgjasë me javë dhe mund të cenojë buxhetet familjere dhe të biznesve”, tha Buxhuku në Vizion Plus
Gjatë kësaj jave qeveria e Kosovës mori vendim për të vendosur një tavan në marzhet e fitmit të kompanive të naftës me qëllim frenimi e abzuimeve. Ndërkohë sipas të dhënave nga ministria e financave dhe ajo e ekonomisë po shohin mundësin e rikthimit të bordit të naftës, një praktike e aplikuar pas pandemisë.
/vizionplus.tv
