Në një seancë të jashtëzakonshme të Kuvendit për ratifikimin e Kartës së Bordit të Paqes, kryetari i Grupit Parlamentar të Partisë Demokratike, Gazment Bardhi, kritikoi qeverinë për nxitim dhe shkelje të procedurave ligjore.
Bardhi pyeti pse ka urgjencë për të përmbyllur procesin sot, duke theksuar se deputetët nuk janë njoftuar në kohë të mjaftueshme dhe se votimi po zhvillohet në mënyrë të nxituar:
“Si do e justifikoni ju që po shkelni procedurën? Nuk ka ndodhur kurrë që deputetët të njoftohen në 9 e gjysmë të darkës, të vijmë në 10 në Kuvend dhe të votojmë në 12 për një çështje kaq të rëndësishme,” tha Bardhi.
Ai theksoi se seancat të tilla mund të kërkohen nga Këshilli i Ministrave ose 1/5 e deputetëve, por sipas Kushtetutës nuk mund të miratohet një ligj pa respektuar afatet e parashikuara:
““Ka qenë Rama i vetmi lider botëtor që i është drejtuar presidentit të SHBA me termin përfaqëson turpin e njerëzimit. Një deklaratë që nuk i shkon as marrëdhënieve të Shqipërisë dhe kombit me SHBA, një deklaratë që vë në rrezik sigurinë dhe marrëdhëniet mes kombit shqiptar, dhe SHBA. Erdhe këtu e fole për Shqipërinë. Ne nuk ndihemi të vlerësuar për partneritetin që ka vetëm Shqipëria me SHBA, por krenarë për marrëdhëniet e shkëlqyera që ka kombi me SHBA. Prandaj edhe ftesa i është drejtuar Shqipërisë dhe Kosovës.
SHBA kishin ftuar në këtë bord Shqipërinë dhe Kosovën për shkak të rolit që ka kombi jonë jo thjesht në paqen në Ballkan por në Evropë dhe më gjerë dhe për shkak të raportit të shkëlqyer strategjik me SHBA. Nuk mund të bëhet propagandë apo të talleni me SHBA që të flasësh për arritje historike ndërkohë që përpara vitesh e ke quajtur njeriun kyç të paqes sot në botë, turpi i njerëzimit” i. Presidenti nuk mund të miratojë një ligj 24 orë pas ardhjes në Kuvend, Kushtetuta e ndalon. Propozimi ynë është të zbatohet Kushtetuta dhe ta bëjmë efektive marrëveshjen brenda 7 ditëve,” shtoi Bardhi.
Ai theksoi se opozita nuk është kundër pjesëmarrjes së Shqipërisë në Bordin e Paqes, por shtoi se kjo duhet të bëhet në respekt të Kushtetutës.
“Kemi shansin të respektojmë kushtetuën, të marrim një javë, gjatë kësaj jave i kërkojmë presidentit që marrëveshja të hyjë në fuqi menjëherë dhe brenda një jave. Zbatoni Kushtetutën dhe e bëjmë efektive marrëveshjen brenda 7 ditëve. Pse duhet të shkelni rregulloren?”
/vizionplus.tv
