“Ne futboll nuk ka mirënjohje.”
Kjo është deklarata reaguese e trajnerit te Romes Luaciano Spaleti, fill pas lajmit qe erdhi nga Britania për shkarkimin e Klaudio Ranieri nga posti i trajnerit të Leicester. Një vendim që nga drejtuesit e skuadrës angleze i konsideruar i dhimbshëm, por i detyrueshëm, duke marrë në konsideratë problemet që skuadra ka hasur në këtë sezon, ku lufton për mbijetese në Premier League, është eliminuar nga kupa e federatës dhe u mund në takimin e parë të 1 te 8 të Champions League nga Sevilla.
Shumë personazhe të rëndësishëm të botës së futbollit botëror janë befasuar nga vendimi i drejtuesve të Leicester për të shkarkuar njeriun që udhëhoqi këtë ekip drejt një titulli kampion vitin e kaluar në Angli. Legjenda e “dhelprave” Geri Lineker falënderoi Ranierin, për atë që dha për Leicester dhe pohoi se shkarkimi ishte një gjë e pashpjegueshme e pafalshme dhe shokuese.
Fjalë mbështetëse për Ranierin erdhën edhe nga Murinjo; Kampion i Anglisë ne fuqi, trajner i vitit nga FIFA dhe tani i shkarkuar. Ky shtë futbolli I ri. Klaudio, asnjë nuk mund ta fshije historinë qe ti shkruajte.
Ndërkohë sipas mediave britanike, favorit per te marrë postin e Ranierit është Roberto Mancini ndërsa e ndjekin Frenk de Bur, Guss Hiding, Di Mateo dhe Alan Pardju. I shkarkuari Klaudio Ranieri e mori drejtimin e “dhelprave” në verën e 2015 dhe e udhëhoqi drejt një suksesi të paimagjinueshëm duke i dhënë titullin Leicesterit për herë të parë në historinë 133-vjeçare edhe pse ekipi vinte nga një kategori me poshtë.
