Ministria jonë e Jashtme po ndjek me shqetësim situatën në Izrael dhe u bën thirrje të gjithë shqiptarëve që jetojnë dhe punojnë atje të jenë të vëmendshëm.
Ministria njofton se aeroporti “Ben Gurion” është ende i hapur për të gjithë ata që duan të largohen.
Ndërkohë janë vënë në dispozicion numra të posaçëm për të komunikuar në çdo rast nevoje me autoritetet shqiptare.
Ministrja e Jashtme këshillon të gjithë qytetarët shqiptarë, të cilët kanë planifikuar udhëtime drejt Izraelit t’i anulojnë ato.
Të nderuar kolegë,
Nisur nga situata në Izrael ju bëj me dije se Ministria për Evropën dhe Punët e Jashtme që prej ditës së djeshme është në kontakt me të gjithë shtetasit shqiptarë që jetojnë (punojnë/studiojnë) atje. Në funksion të sigurisë së qytetarëve tanë lutem publikimim sa më parë të informacionit si më poshtë:
Njoftim i rëndësishëm*
‼️ Për shkak të situatës së jashtëzakonshme në Izrael, informojmë qytetarët shqiptarë si në vijim:
➡️ Aeroporti ndërkombëtar Ben Gurion ( https://www.iaa.gov.il/en/) është i hapur.
➡️ Qytetarët shqiptarë që kanë nevojë për informacion për largimin nga Izraeli të kontaktojnë në nr.whats app:
+972 54-904-2813 ose
në adresën e emailit: DK@mfa.gov.al
➡️ Për arsye sigurie, këshillohet të mos ndërmerrni udhëtime drejt Izraelit, edhe nëse kishit planifikuar udhëtime drejt këtij shtetit.
❗Rregullat e sigurisë që duhet të ndjekin qytetarët gjatë lëvizjeve, i gjeni në linkun e Home Command
https://www.oref.org.il/en
