“Mora 25 mijë euro”, Artan Tafani tregon si e vrau biznesmenin Selimi: Më pa në sy dhe dyshoi, e qëllova disa herë! S’di ku e kapën plumbat

Banda e Laert Haxhiut ka dëshmuar për herë të parë në GJKKO. Vizion Plus ka siguruar dëshminë e bashkëpunëtorit të drejtësisë, Artan Tafani, i cili për herë të parë ka zbardhur vrasjen e biznesmenit Çajup Selimi në vitin 2021.

Tafani: Laertit i thërrisnin me nofkën “Alufi” dhe “Filja”. Pasi shkova te pallati, po rrija ngjitur me hyrjen dhe dëgjova një makinë, si Benzi që kishte ai. Isha ballë për ballë me të, kisha maskë anti-COVID dhe një kapele. Po më shikonte dhe më duket se dyshoi. U fut në hyrje të pallatit dhe u ngjit në katin e parë, pastaj në të dytin. Unë isha pas tij. Ishte qeros dhe e njihja nga rrobat që kishte veshur atë ditë, të kuqe. Aty e qëllova nga pas. E shkrep armën tre herë: një herë e qëllova në shpatull, dy herë të tjera, por nuk e di saktësisht ku e kapën plumbat.

Lexo edhe :

Related Posts

Artan Tafani “zbërthehet” në GJKKO: Si u përfshiva në atentate dhe trafik droge me bandën e Laert Haxhiut

“O lala më lër ta bëj unë, të mësoj dorën”, Tafani zbardh vrasjen e Fridman Xhaferrajt: E morëm në makinë, kërkonim vend ku ta hidhnim

Ika me vrap në drejtim të burgut të Bënçës. Rashë në ca ferra, diku jashtë qytetit. Armën e kisha me vete, një Zastava, ose një Beretë e vogël, me silenciator. Nuk po gjeja rrugicën që të dilja, isha i çorientuar. Sipas planit, duhej të dilja te lumi Vjosa, ku do të vinte Ligori për të më marrë.

Armën e hodha në Vjosë. Na kishte thënë Laerti se si të vepronim edhe me celularët dhe rrobat. Rrobat i dogjëm në një fuçi. Pastaj vazhduam rrugën për në Memaliaj, lart nga mali, dhe zbritëm te një urë në këmbë. Hipëm në një furgon të rastit dhe u nisëm për në Tiranë. Gjatë rrugës, Laerti tha që Ligori të ikte në Korçë. Te klubi i shoferit u ndamë. Unë ika në Tiranë, te Laerti, në një hotel në Astir. Laerti ishte me Lulëzim Arapin. Më bërtiti Laerti pse mora atë xhaxhain në telefon, jo në WhatsApp. Më ofendoi, më shante. Një gabim të bëje, ai e lëshonte gojën menjëherë. Për vrasjen mora 25 mijë euro pas një jave, ndërsa Ligori nuk i mori. Ai (Laerti) nuk ia dha.

Artan Tafani pranoi të bashkëpunojë me SPAK-un duke rrëfyer 17 episode kriminale. Për këtë dosje, SPAK-u ka marrë të pandehur 8 persona që akuzohen për ngjarje kriminale në disa qytete të vendit. Artan Tafani u arrestua në shtator të 2023-ës, pasi grabiti me armë një pikë këmbimi valutor në zonën e Astirit./vizionplus.tv