Kryetarja e LSI, Monika Kryemadhi deklaroi nga Durrësi se opozita nuk I trembet vettingut në politikë.
Vettingu ndaj politikanëve është ai proces, i cili ndan shapin nga sheqeri, ndan krimin nga politikanët të cilët sot janë ulur këmbëkryq në karriget e qeverisë, janë ulur këmbëkryq në karriget e Parlamentit.
Kryemadhi foli për mediat pas takimit që grupi I deputeteve të opozitës zhvilloi në qytetin bregdetare në kuadër të aksionit të opozitës për të denoncuar situatën e rëndë kriminale në disa qytete të vendit.Drejtuesja e LSI tha se ky parlament është I grabitur nga bandat e rrezikshme kriminale e se kësisoj clirimi nga krimi është një emergjencë kombëtare.
Aksioni i opozitës nuk ka më ndalesë, do të vazhdojë dhe do të ecë përpara në të gjithë hapat e tij dhe në axhendën, të cilën çdo ditë e më shumë po e pasuron me aktivitete dhe informacionet e duhura, ku katër grupet e punës të cilat janë ngritur, bënë një raportim të qartë të të gjithë situatës, teksa çdo ditë e më shumë bëhen më flagrante shkeljet dhe uzurpimi që bandat dhe krimi i organizuar i kanë bërë shtetit shqiptar.Ajo që ngriti sot opozita është shumë e qartë, emergjenca kombëtare për çlirimin e shtetit nga krimi i organizuar, situata me krimin e cila po ngarkohet çdo ditë e më shumë, duke vazhduar si hap të parë kryesor vettingun ndaj politikanëve, sepse vetëm në këtë mënyrë ne do të kemi shansin pët ta çliruar.
Kryemadhi shtoi se opozita po pret përgjigjen e kryeministrit Rama nëse ky I fundit është pro apo kundër vettingut politik, nisme e dorëzuar zyrtarisht në kuvend në formen e pr.ligjit nga opozita.
Kryetarja e LSI tha se forcat opozitare I kanë idete e qarta duke premtuar se axhenda e opozitës ne vijim do të jetë surprizuese.
Aksioni opozitar është mëse i qartë. Do të fillojmë të presim nëse Edi Rama është pro apo kundër Vetting-ut dhe ajo çka mendoj unë se është shumë e rëndësishme është që të jeni të bindur që axhenda e opozitës është mëse e qartë dhe do të jetë shumë aktive. Do të jetë e pabesueshme jo vetëm për qeverinë, por edhe për ju gazetarët.
