Një ngjarje tragjike ndodhi paraditen e kesaj te enjte në fshatin Dushnik të Beratit, ku humbën jetën tre pjestarë të një familjeje.
Kamber Hoxha 75 vjeç së bashku me djalin e tij, Neimin 46-vjeçar dhe nipin Gentian Golashi, 45 vjeç, u asfiksuan ndërsa ishin duke pastruar pusin në oborrin e shtëpisë.
Familjarët i thanë policisë se i pari që hyri në pus ishte i moshuari. Por ai është përballur me një xhep gazi duke mbetur i asfiksuar. Në ndihmë të tij, shkuan menjëherë djali dhe nipi por dhe ata fatkeqësisht u bllokuan brenda.
U desh ndërhyrja e forcave zjarrëfikëse dhe policisë për të nxjerrë trupat e pajetë nga pusi.
Sipas policise, i moshuari kishte hyrë në pus për të bërë pastrimin e tij dhe gjatë punës ka provokuar rrjedhjen e gazit çka u mori jetën atij, djalit dhe nipit.
