“Moj e çmendura E.”/ Presidenca i përgjigjet Spiropalit: Do e shihni shumë shpejt

Zëdhënësi i Presidentit, Tedi Blushi e quan Elisa Spiropalin një të “çmendur”, pas kritikave që hodhi në drejtim të kreut të shtetit  se “grushti i shtetit ka nisur në kokën e Ilir Metës”.

Blushi i bën thirrje që të ketë durim dhe të “mbajë fort oligarkët”. Po ashtu, e ka paralajmëruar lidhur me tubimin që pritet të mbahet më 2 mars, duke i thënë se “popullin do e shihni shumë shpejt”.

“Moj e Çmendura E., po edhe për grushtin e shtetit keni marrë konsensusin e SHBA-BE? Se Venecian që vetë e kërkuat, po vetë e përzutë! Megjithatë, ne nuk nxitohemi! Po presim edhe opinionet zyrtare të EURALIUS-it. Se kështu mashtruat ju edhe për opinionet që nuk ekzistojnë të KED, Shkollës së Magjistraturës, dhe Komitetit Shqiptar të Helsinkit, që shkëlqeu me delegjitimimin e ligjit tuaj anti-kushtetues të betimit buzë Lanës. Mbani fort oligarkët se ata janë të besës. Sa për popullin, do e shihni shumë shpejt! Edhe pak durim! Me qetësi dhe drejtësi! Për gjuhën jashtë kontrollit, nuk kemi koment, se ti na udhëheq në këtë drejtim bashkë me Skënderbeun tend.”