Studentët e Mjekësisë vijojnë të bojkotojnë auditorët, në shenjë proteste kundër lidhjes së kontratës me shtetin për të shërbyer nga 3-5 vite në Shqipër, pas përfundimit të studimeve.
Por pas rezistencës së tyre, duket se studentët do të detyrohen të paguajnë një tarifë, në mënyrë që të mos kenë kufizime për tu larguar nga vendi jonë.
Sipas vendimit të bordit të adminsitrimit të universitetit të Mjekësisë kosotoja për student është 248,975 Lekë në vit, ose afërsisht 2300 Euro në vit.
Kjo kosto është gati tre fish më e ulët se kostoja që ishte në relacionin e ligjit të depozituar në Kuvend, e cila ishte rreth 680 mijë lekë.
Kësaj tarife, sipas ligjit të ri për trajtimin e veçantë të studentëve të Mjekësisë, do t’i nënshtrohen ata studentë të cilët nuk firmosin kontratën me qeverinë për të punuar në institucionet publike shëndetësore dhe të lejojnë bllokimin e diplomës së tyre.
Ligji i cili trajton në mënyrë të veçantë studentët që ndjekin studimet në Mjekësi të Përgjithshme, parashikon se ata që janë nga viti i dytë në vitin e katërt duhet të punojnë 3 vite në institucionet publike shëndetësore ku ka nevojë shteti, ndërsa ata që janë në vitin e pestë dhe të gjashtë detyrimin për të punuar e kanë dy vite.
Në rastet se këta student nuk do pranojnë të firmosin kontratën, atëherë ata do duhet të paguajnë kostoto reale të studimit. E cila me vendimin e fundit të miratuar nga rektorati i universitetit të Mjekësisë është rreth 2300 Euro në vit.
Pra një student që është në vitin e dytë dhe nuk do pranojë të lidh kontrat me qeverinë, do duhet të paguaj për të pesta vitet e studimit që i kanë mbetur rreth 12 mijë Euro. Studentët e Mjekësisë prej muajit Korrik që është miratuar ligji, janë shprehur kundër pasi u cënon të drejtat. Ata vijojnë me bojktotin e mësimit dhe protesta.
