Ministria e Shëndetësisë konfirmoi këtë të premte 336 të infektuar të rinj. Rastet e reja u zbuluan pasi u kryen gati 2.900 testime.
Numri më i lartë i të prekurve u regjistrua në Tiranë, më pas vijnë Elbasani, Fieri e Shkodra. Numri i pacientëve që nuk e fituan dot betejën me sëmundjen është gjashtë, të moshave 47-83 vjeç.
Në 24 orët e fundit janë shëruar 625 qytetarë, kurse në spitale janë të shtruar 276 pacientë. Nga këta, 12 janë në terapi intensive dhe shtatë në intubim.
