Skuadra e Milanit nuk ka të ndalur. Pasi arriti ti marrë Juventusit shërbimet e mbrojtësit më të mirë të saj, Leonardo Bonuci, kuq e zinjtë duket se janë farë pranë zyrtarizimit më ish sulmuesin e Juventusit, Alvaro Morata.
Reali i Madridit kërkon 90 milionë euro për shërbimet e spanjollit, një shifër e konsideruar si e ekzagjeruar për drejtuesit e Milanit, Fasone dhe Miranbeli. Këta të fundit janë shumë optimistë pasi mbështeten te dëshira e lojtarit për tu rikthyer në itali dhe për të patur një vend titullari në formacionin e Milanit, gjë të cilën Reali nuk mund t’ia garantojë. Duket se djajtë kanë marrë “ok” e futbollistit duke i ofruar një pagë prej 10 milion eurosh në sezon.
Sipas burimeve nga mediat spanjolle e gjithë tratativa mund të mbyllet në kuotën e 70 milion eurove.
Në rast të dështimit të kësaj tratative, alternativë për kuq e zinjtë janë Beloti i Torinos, Aubameyang i Borusias dhe Kalinic i Fiorentinës.
