Milani dhe Manchester City janë dy ekipet që bënë lëvizjet më të mëdha të merkatos së dimrit në futbollin kontinental.
Kuqezinjtë nën presionin dhe të rezultateve jo të mira por edhe situatave të komplikuara në marrëdhëniet mes disa lojtarëve dhe trajnerit Konseisao, bënë në fushatë të vërtetë blerjesh gjatë këtyre ditëve, e krahasuar kjo edhe me merkaton e zakonshme të verës.
Kuqezinjtë larguan Moratën tek Gallatasarai dhe morën Santiago Himenez nga Fekenord për 335 mln euro bashke me bonuset. Goditje e rëndësishme ishte edhe ardhja e Kyle Walker nga Manchester City, ndërsa u largua nga pozicioni ku luan anglezi, Davide Kalabria tek Bolonja.
Në mesfushë u largua në ditën e fundit Ismail Benaser tek olimpik Marseje dhe erdhi Warren Bondo për 12 mln euro nga Monxa.
Në krahun e majtë të sulmit u largua Okafor tek Napoli në huazim me të drejtë blerje dhe erdhi Sotil nga Fiorentina.
Mirëpo goditja më e madhe e ditës së fundit ishte ardhja në huazim e Zhoao Feliks nga Chelsea, sulmues që kërkohej me ngulm nga trajneri Konseisao.
Juventusi në mërkato u kënaq me blerjen e dy mbrojtësve dhe një sulmuesi. Erdhi Kolo Muani nga PSG në huazim, mbrojtësi portugez Veiga nga Chelsea dhe mbrojtësi tjetër Lloid Kelli nga Njukasell.
Shumë lëvizje edhe tek Fiorentina e cila largoi dy anësorët ofensiv Ikone dhe Sotil, por mori Nikolo Xaniolon nga Atalanta dhe Faxholin nga Juventusi në huazim me të drejtë blerje20 mln euro.
Mirëpo gjithçka ka lëvizur në Itali dhe Europë nuk ka të krahasuar me shpenzimet e luksit të Manchester City. Skuadra angleze në vështirësi të madhe në lojë e rezultate në 2-3 muajt e fundit, ka shpenzuar plot 223 milionë euro gjatë merkatos së dimrit për të blerë 4 lojtarë.
Pas brazilianit Vitor Reis, marokenit Marmush dhe uzbekut Kusanov, Pep Guardiola bleu në orët e fundit edhe Niko Gonzales nga Porto për 60 milionë euro, lojtar që duhet të zëvendësojë topin e art Rodri, të dëmtuar./vizionplus.tv
