Milani vijon të mos njoh humbje në kampionatin italian teksa dhe mbrëmjen e të dielës regjistroi fitoren e radhës duke mundur Sampdorian në transfertë. Kuqezinjtë triumfuan me rezultatin 2-1 në Genoa, dhe vijojnë të dominojnë Serie A duke u shkëputur ne krye të tabelës. Sa i përket ndeshjes, nisi me ritëm dhe vrull që në minutat e para me të dyja skuadrat që ishin në kërkim të golit të avantazhit. Një rast i mirë ishte për me Ante Rebic i cili goditi lehtë topin dhe u ndal nga mbrojtësi në momentin final.
Megjithatë sfida u zhbllokua në minutën e 44. Pas një prekje të topit me dorë, ishte i përhershmi Frank Kessi që me qetësi ekzekutoi saktë nga pika e bardhë e 11 metërshit. Në fraksionin e dytë të lojës, skuadra e drejtuar nga Pioli, gjeti dhe golin e dytë pas një aksioni të bukur nga Hauge dhe Rebic që gjetën të lirë në zonë Kastijehon. Spanjolli pa shumë vështirësi dërgoi topin në rrjetë.
5 minuta më vonë, vendasit ngushtuan diferencat me Ekdal që rihapi dhe një herë takimin. Minuta të vështira për kuqezinjtë të cilët administruan lojën deri në vërshëllimën finale të gjyqtarit. Pas fitores tekniku Pioli tha se skuadra edhe pse me shumë mungesa , djemtë e rinj arritën të tregonin maksimumin.
STEFANO PIOLI
TRAJNER I MILANIT“Është hera e parë që ekipi luan pa Ibrahimovic, Kjaer dhe Benaser, të tre lojtarë me rëndësi. Ishte një ndeshje e vështirë, pasi kemi një kalendar të ngjeshur dhe nga Europa League. Megjithatë djemtë e rinj bënë gjithçka mirë dhe arritëm të triumfonin . Duhet të jemi me këmbë në tokë dhe ti marrim ndeshjet një nga një. Kam besim dhe siguri tek kjo skuadër.”
Pas këtij triumfi, tekniku Pioli thyen një tjetër rekord me kuqezinjtë teksa regjistron ndeshjen e 30 radhazi në Serie A që shënon të paktën një gol, diçka që nuk ishte arritur asnjëherë më parë në historinë e kuqezinjtë ndërsa kryeson klasifikim me 26 pikë, 5 më shumë se Interi i vendit të dytë dhe 6 nga Juventusi i vendit të tretë.
