E hënë, 16 Nëntor 2026 Film TV deri në 00:55 Në vijim ora 00:55: Trashëgimtari Halef Reklamo Kontakt Karriera
Vizion Plus
Video · Kulturë

“MIK Festival”/ Inva Mula: Një përpjekje për të thënë se në Korçë arti lulëzon

Festivali i Muzikës Internacionale mbrëmjen e të enjtes çeli siparin e netëve të aktivitetit kulturor, në teatrin “Andon Zako Çajupi” të Korçës. Në këtë edicion të katërt, do të vihen në skenë interpretime dhe muzikë e zgjedhur nga artistë vendas, por edhe të huaj.

 

Sopranoja me famë botërore Inva Mula, njëherazi edhe drejtore artistike e festivalit, nën emocionet e rikthimit të duartrokitjeve të munguara të publikut, zbuloi disa nga surprizat  e këtij edicioni.

 

Reklamë

“Është një mbrëmje magjike, se arti flet skena ka nevojë për ne, publiku ka nevojë për ne, kemi nevojë për këto shkëmbime. Kemi nevojë, se arti botëror është i gjunjëzuar dhe ne sot tregojmë që në Korçë arti lulëzon.”

 

Nata e parë nisi me tingujt e muzikës gjermane nën interpretimin e Elda Laros në piano, për të vijuar më pas me muzikën kubane në sheshin e pazarit të vjetër.

 

“Jam shumë e emocionuar, shpresoj të japim rezultatin e duhur dhe të luajmë në mënyrë të mrekullueshme. Këtë natë kam sjellë së pari dy miqtë e mi dy violinistë që luajnë në Teatrin e Berlinit, ku punojmë të tre bashkë.”

 

Si një buqetë artistike, mes artit ndërkombëtar, MIK Festival gjithmonë tërheq shijen elegante të publikut korçar. Për katër net me radhë, Festivali i Muzikës do të ndalet në pika dhe atraksione turistike të juglindjes dhe do të mbyllet me një koncert në mes të liqenit tek ishulli Maligrad.

 

 

 

 

Më shumë video

Reklamë