Mijëra francezë në rrugë kundër vaksinës, kërkojnë heqjen e masave kufizuese
Në javën e gjashtë të protestave, mijëra demonstrues kanë pushtuar rrugët e Parisit dhe disa qyteteve të tjera të vendit, duke përsëritur thirrjet kundër vaksinimit të detyruara dhe pasaportës shëndetësore.
Minsitri i shëndetësisë, Oliver Vero paralajmëroi se nuk do të lejojë që të preket integriteti i bluzave të bardha ndërsa i quajti protestuesit “anti-vaksinë, anti-shkencë dhe anti-shtet. Reagimi i tij vjen pasi fundjavën e kaluar protestuesit vandalizuan dhjetra qëndra testimi e vaksinimi.
Franca është një nga 13 shtetet e Bashkimit Europian që po zbaton kufizimet për kalimin e gjelbër, ndërsa Italia vendosi një nga regjimet më të rënda të Europës për turistët fundjavën e kaluar. Rreth 80,000 njerëz protestuan kundër masave në Itali.
Këto shtete do të nisin vaksinimin me detyrim në muajin shtator për mësuesit dhe personelin shëndetësor ndërsa është miratuar edhe doza e tretë përforcuese për moshat mbi 60 vjeç.
Administrata amerikane e Ushqimit dhe Barnave po ashtu autorizoi dozën e tretë të vaksinës Pfizer ose Moderna kundër COVID-19, për personat me sistem të dobësuar të imunitetit.
