Presidenti i Republikës, Ilir Meta duket se nuk ka ndërmend të tërhiqet nga kauza e tij kundër mazhorancës.
Edhe pse e gjithë vëmendja momentalisht është e përqendruar tek rastet me koronvirus në Shqipëri, Meta mëngjesin e kësaj të marte përcolli një tjetër mesazh për pranverën kuqezi, sipas tij.
Ai postoi një foto me lule në “Facebook” dhe sipër saj shkroi: Lulet po shtohen, pranvera nuk ndalet!
Në 2 mars kreu i shtetit mbajti një protestë kundër qeverisë në Bulevardin “Dëshmorët e Kombit”. Nga aty, ai kërcënoi se pas 15 marsit, kur të miratohet reforma zgjedhore, do të shpërndajë Parlamentin nëse mazhoranca nuk tërhiqet nga grushti i shtetit.
