Presidenti i vendit Ilir Meta pas publikimit të raportit të progresit për Shqipërinë nga Komisioni Europian, është takuar me ambasadorin e Delegacionit të Bashkimit Europian në Tiranë, Luigi Soreca.
Kreu i shtetit ka mirpritur rekomandimin e përsëritur të KE që Shqipëria të çelë negociatat e anëtarësimit me Bashkimin Europian, me shpresën që ky rekomandim të marrë edhe miratimin e vendeve anëtare.
Gjithashtu Meta ka uruar për fitoren e qartë të forcave pro-europiane gjatë zgjedhjeve për Parlamentin Europian, si inkurajim për të gjitha vendet që aspirojnë integrimin europian.