Presidenti Ilir Meta deklaroi se Shqipëria rrezikon rritje të borxhit publik.
Në një konferencë për mediat, kreu i shtetit tha se është ende një problem rënia e ekonomisë dhe ajo informale, ndërsa theksoi se do të vazhdojë punën për kthimin e ligjeve anti-kushtetuese, siç i quan ai.
“Duhet që të mbështesim biznesin e vogël. Dua të tërheq vëmendjen mbi faktin se kemi një borxh të lartë publik dhe borxhi po rritet gjithmonë e më shumë. Huamarrja duhet që të kontrollohet. Po ashtu, duhen mbrojtur më shumë ushqimet dhe mjedisi të mbrohet gjithashtu. Kemi borxhe të mëdha, po ashtu edhe shumë persona punojnë jashtë ligjeve. Kjo sjell një treg të pasigurt si dhe mund të sjellë rritje të mos-stabilitetit politik e ekonomik të vendit.”
Po ashtu, ai kërkoi nga palët politike që t’i qëndrojnë marrëveshjes për Reformën Zgjedhore, duke shtuar se zgjedhjet e ardhshme do të jenë në monitorim të rreptë ndërkombëtar.
