Presidenti i Republikës Ilir Meta, i ka bërë thirrje qeverisë që të ndërhyjë në zgjidhjen e problemeve që shqetësojnë qytetarët shqiptarë.
Me anë të një postimin në Facebook, Meta i bën gjithashtu thirrje policisë së Shtetit që të mos përdorë dhunë ndaj protestuesve.
“I bëj thirrje Qeverisë të dëshmojë ndjeshmërinë dhe përgjegjësinë e duhur në adresimin e të gjitha çështjeve që po shqetësojnë me të drejtë qytetarët, të cilët prej ditësh po protestojnë, në mbarë vendin, për dinjitetin dhe të drejtat e tyre thelbësore.
Policisë së Shtetit i tërheq vëmendjen për t’u distancuar nga dhuna e papranueshme dhe ndalimet e pajustifikuara”, shkruan Meta.
