Presidenti Ilir Meta falenderoi ministrin e Punëve të Jashtme të Turqisë, Mevlüt Çavuşoğlu për solidaritetin dhe ndihmën e menjëhershme pas tërmetit të 26 nëntorit, ndërsa i shprehu ngushëllimet për viktimat e tërmetit dhe ortekut në Turqi.
Në takimin e kësaj të mërkure, kreu i shtetit vlerësoi marrëdhëniet mes dy vendeve dhe popujve. Po ashtu, theksoi rëndësinë në përmirësimin e klimës së biznesit dhe rritjes së investimeve turke në vendin tonë.
Ndër të tjera, Presidenti nënvizoi nevojën në forcimin e bashkëpunimit në luftën kundër terrorizmit dhe ekstremizmit.
“Shqipëria dhe Turqia kanë ende një potencial të jashtëzakonshëm për të forcuar më tej marrëdhëniet në të gjitha fushat, veçanërisht ekonomike-tregtare. Investimet turke janë të mirëpritura”, tha Meta.
