Preisdenti Ilir Meta e ka cilësuar situatën me të cilën po përballet vendi si mjaft dramatike.
Nga Durrësi, ku po monitoron ga afër operacionin e shpëtimit të Klajdi Qatos, kreu I shtetit theksoi se puna do të vijojë pa u ndalur me qëllim minimizimin e pasojave.
“Sot jemi në momente mjaft dramatike për shkak të kësaj fatkeqësie natyrore. Është një fatkeqësi që kërkon angazhim të palodhur sepse ka njerëz nën rrënoja të cilët kërkojnë ndihmë, siç është rasti këtu, ku po bëhen përpjekje të jashtëzakonshme. Është një punë që nuk po bëhet vetëm këtu, por edhe në Kënetë, Thumanë dhe do të vazhdojë edhe në orët në vazhdim. Shpresojmë që së bashku do të arrijmë që të minimizojmë pasojat, që të rikuperojmë më pas këto dëme materiale. Kërkimet do të vazhdojnë, dhe është pozitive që nga Greqia po na ndihmojnë. Puna do të vijojë pa u ndalur”
