Dialogu politik në vend është shumë i rëndësishëm në mënyrë, që të vijojë axhenda e reformave për të përshpejtuar më shumë procesin e integrimit të vendit në BE, apeloi kryetari i Lëvizjes Socialiste për Integrim, Ilir Meta gjatë një takim me strukturat e LSI-së të qarkut të Beratit.

Meta theksoi se rëndësinë e jashtëzakonshme që ka forcimi i dialogu politik në vend, në radhë të parë në parlament për të vijuar me axhendën e reformave dhe mbi të gjitha dialogun për të mbyllur sa më shpejtë reformën zgjedhore dhe për të garantuar një klimë mirëbesimi për zgjedhjet e 18 qershorit.

“LSI-ja ka qenë gjithmonë një forcë e orientuar drejt kauzave më të rëndësishme të zgjedhjeve të lira, për lista e hapura që shqiptarët jo vetëm të kenë mundësi të votojnë, por të kenë mundësi të zgjedhin. LSI-ja është ndeshur si askush tjetër me padrejtësitë dhe me aleancat për të deformuar votat e shqiptarëve që nga viti 2005 e në vijimësi. Por LSI në politikë ka qenë një faktor i rëndësishëm i stabilitetit të vendit dhe vazhdon të fuqizohet si një faktor i tillë”,- u shpreh Meta duke nënvizuar se për garantuar zgjedhje sa më të pa kontestueshme duhet të ketë më shumë konstruktivitet.

Leave a Reply

Your email address will not be published. Required fields are marked *