Në Ditën Ndërkombëtare të Tokës, presidenti Ilir Meta zgjodhi të përcjellë një mesazh në rrjetet sociale.
Ai u shpreh se pandemia e COVID-19 nuk mund të bëhet pengesë për pranverën, por bëri thirrje që kujdesi ndaj tokës të jetë më i madh që të kemi mundësi të shijojmë sa më shpejt bukuritë e natyrës.
“Coronavirusi nuk e ndal dot pranverën! Por për një të ardhme më të shëndetshme, pa maska, doreza dhe ilaçe, duhet ta duam dhe ta mbrojmë më shumë Tokën, mjedisin, ekosistemin, biodiversitetin e pasur dhe pyjet e jashtëzakonshme! Uroj që kjo situatë të marrë fund sa më shpejt për t’ju rikthyer bukurive tona përrallore natyrore! Gëzuar Ditën e Tokës!”
Dita e Tokës nisi të festohej në 1970 në Shtetet e Bashkuara të Amerikës pas një derdhjeje masive të naftës në brigjet e Kalifornisë.
