“Nevojat e fëmijëve me aftësi ndryshe dhe integrimi i tyre në një klasë normale lehtësohet nga puna e mësuesit ndihmës, roli i të cilit po forcohet me kalimin e kohës. Në rang vendi janë 1300 mësuese ndihmës, por cilat janë sfidat që ato hasin çdo ditë?”
Shkolla 9-vjeçare Mihal Grameno ka 6 mësues ndihmës. Vizion Plus ndoqi nga afër një orë mësimore me një nxënës të spektrit të autizmit.
Një rol të rëndësishëm kanë edhe mësues të lëndëve të ndryshme, të cilët përpiqen që t’i integrojnë fëmijët me aftësi ndryshe në klasë, njësoj si nxënësit e tjerë.
Për vetë nxënësit, nuk është aspak problem të kenë një shok me aftësi ndryshe në klasë.
Psikologia e kësaj shkolle, Oriola Heta tregon se prezenca e fëmijëve me aftësi ndryshe nuk ndikon aspak negativisht tek nxënësit e tjerë, por përkundrazi i ndihmon ata të jenë edhe më bashkëpunues.
16 është numri total i nxënësve me aftësi ndryshe që ulen çdo ditë në bankat e shkollës “Mihal Grameno”. Kontributi dhe përkushtimi i mësuesve, por edhe i bashkëmoshatarëve është maksimal në mënyrë që të shmanget çdo paragjykim e të mundësohet përparim i njëjtë në mësime si të gjithë nxënësit e tjerë.
