Pas incidenteve të ndodhura në Elbasan dhe Fier, kreu i Bindjes Demokratike, Astrit Patozi bën thirrje që të lihen pas urrejtjet dhe retorikat revolucionare, sipas tij, te rreme.
Sipas tij, Shqipëria ka nevojë për qetësi dhe jo “luftëra”.
“Shqipëria nuk ka nevojë për luftërat e tyre falso. Shqipëria nuk ka nevojë për urrejtje, as për fanatizëm apo radikalizëm politik. Boll me këtë retorikë revolucionare, që të ngjeth mishtë, edhe pse të gjithë e dinë se është e rreme, thjesht sa për të kaluar 25 prillin. Zgjedhjet janë garë, sepse nuk po shkojmë në luftë për t’u vrarë me njëri-tjetrin. Shqipëria ka nevojë për qetësi, edhe nëse dashuria mund të mungojë përkohësisht. Por mbi tē gjitha për logjikë dhe arsyetim, që vlen gjithmonë si reflektim për popujt e qytetëruar pas krizash të gjata. Aq më tepër, kur kemi parë jo rrallë se si puthen dhe flirtojnë pastaj pikërisht ata, të cilët kacafyten dhe qisin pushkë me fishekë manovre kundër shoshoqit, vetëm atëherë kur afrohet data e zgjedhjeve.”
