Gjashtë punonjës të policisë në Pikën Kufitare të Kontrollit në Durrës janë arrestuar nga SHÇBA për korrupsion dhe shpërdorim detyre.
Sipas SHÇBA janë arrestuar në flagrancë shtetasit me inicialet:
1.A.Gj., 53 vjeç, me detyrë Kontrollor në PKK Porti Durrës;
2.G.B., 29 vjeç, me detyrë Kontrollore në PKK Porti Durrës;
3.G.Ç., 51 vjeç, me detyrë Ndihmës Kontrollor në PKK Porti Durrës;
4.D.D., 53 vjeç, me detyrë Kontrollore në PKK Porti Durrës;
5.D.Z., 50 vjeç, me detyrë Kontrollor në PKK Porti Durrës;
6.J.K., 42 vjeçe, me detyrë Kontrollore në PKK Porti Durrës.
Arrestimi i shtetasve të mësipërm sipas uniformave blu u bë pasi pas hetimeve të kryera rezultoi se ata në këmbim të vlerave të ndryshme monetare, bënin të mundur kalimin e paligjshëm të personave me probleme, apo kategorisë së shtetasve që nuk u lejohet udhëtimi drejt zonës “Shengen”.
Gjatë kontrollit të ushtruar në kushtet e flagrancës, punonjësve të policisë iu sekuestruan në cilësinë e provës materiale sasi vlerash monetare në lek dhe euro, në vlerën 2.175 euro.
Dyshohet se shumat e vlerave monetare janë përfituar në mënyrë të kundraligjshme dhe korruptive gjatë ushtrimit të detyrës.
Hetimet për këtë ngjarje po vazhdojnë.
