Edhe pse merkato në ligat kryesore u mbyllë ditën e djeshme më 1 shtator, ka ende disa emra të njohur të cilët mund të transferohen si futbollistë të lirë.
Po e nisim nga porta, ku spikasin disa emra të njohur si Fraser Forster (37 vjeç), Rui Patricio (37 vjeç) dhe Vicente Guaita (38 vjeç), të cilët kanë përvojë në disa nga ligat kryesore.
Në mbrojtje po ashtu ka disa profile interesante. Emri më i spikatur është Takehiro Tomiyasu (26 vjeç), ish-lojtar i Arsenalit dhe me një vlerë tregu prej rreth 18 milionë eurosh, duke e bërë atë një nga mbrojtësit e lirë më të kërkuar.
Po ashtu Rick Karsdorp (30 vjeç), një mbrojtës i krahut me një të kaluar në Roma, Kurt Zouma, ish-lojtar i Chelsea-t dhe Ëest Ham-it, dhe Sergio Reguil0n, një mbrojtës i majtë i cili ka luajtur më parë për klube si Real Madrid apo Tottenham.
Mesfusha po ashtu ka disa emra që nuk duhen nënvlerësuar, duke filluar nga Marko Pjaca (30 vjeç), Lorenzo Insigne (34 vjeç), Nathan Redmond (31 vjeç) dhe Anëar El Ghazi (30 vjeç).
Sulmi ka një listë shumë tërheqëse ku emri që bie më shumë është ai marokenit Hakim Ziyech (32 vjeç), Kelechi Iheanacho (28 vjeç), me një të kaluar te Manchester City dhe Leicester City, dhe mund të jetë ende vendimtar në ligat e nivelit të lartë.
Emmanuel Dennis (27 vjeç), një sulmues nigerian me periudha të mira te Ëatford dhe Nottingham Forest, është gjithashtu në kërkim të një ekipi. Karl Toko Ekambi (32 vjeç), ish-lojtar i Olympique Lyonnais dhe Villarreal, i cili sjell shkathtësi sulmuese.
Francezi Ëissam Ben Yedder (35 vjeç), me një karrierë të suksesshme te Sevilla dhe Monaco, mbetet i disponueshëm po ashtu, dhe Patrick Bamford (31 vjeç), sulmues anglez që shkëlqeu te Leeds United, pret një mundësi të re.
