Skënderbeu ka plot tre lojtarë të përfshirë në vorbullën e merkatos dhe pritshmëritë e klubit bardhekuq në këtë moment janë mjaft të mëdha për të përfituar një shumë të konsiderueshme financiare nga lëvizjet e tyre.
Veç Gripshit i cili duket se po vëzhgohet me kujdesa nga ana e Teplices në kampionatin çek të futbollit janë edhe Dejvi Bregu dhe Jorgo Pëllumbi që vazhdojnë prej kohësh të kenë interesim konkret nga klube të huaja.
Burime të sigurta pranë klubit bënë me dije se në adresë të këtyre tre futbollistëve kanë ardhur interesime konkrete qoftë nga ekipe të Ballkanit ashtu edhe nga Europa qendrore që shprehin interes për shërbimet e lojtarëve në fjalë.
Skënderbeu në këto momemte është duke vlerësuar gjithçka që ka të bëjë me këto interesime por duhet pranuar gjithashtu se në momentet që flasim nuk ka një ofertë konkrete por palët janë në bisedime e sipër.
