Mediat sportive turke kanë thurur elozhe për paraqitjen e Sokol Cikalleshit kundër Beshiktashit në ndeshjen e javës së 18 të superligës turke e cila u transmetua ne Tring.
Ato shkruajnë se Cikalleshi I dha një impuls të madh lojës sulmuese të skuadrës së Akhisarspor ndryshe nga Bokila I cili në pjesën e parë nuk arriti të krijojë asnjëherë panik në mbrojtjen e Beshiktash.
Sulmuesi kavajas u fut në fushë në fillimin e pjesës së dytë pikërisht në vend të Bokilës dhe ishte gjatë gjithë kohës një rrezik I madh për qëndërmbrojtësit miq Vida dhe Isimat-Mirin.
Në dy raste ishte Loris Karius që reagoi bukur ndaj gjuatjeve të Cikalleshit, në një tjeter moment ai u rrëzua në zonë dhe pati dyshime për penallti ndërsa në minutën e 61 shënoi një gol shumë të bukur me një gjuajtje potente me të djathtën e cila për fat u anullua nga Sistemi VAR për shkak të një pozicioni jashtë loje milimetrik.
Megjithatë në minutëne 82 ai ia doli të shënoje në portën e Karius duke e nisur mbarë aventurën e re me Akhisarspor, klub ku ai u transferua vetëm pak ditë më parë nga Goztepe.
Tek Akhisarspor ai kishte luajtur edhe në sezonin 2016-2017 teksa në 14 ndeshuje kishte realizuar 7 gola.