Ministrja e Shtetit për Marrëdhëniet me Parlamentin, Elisa Spiropali reagoi pas lajmit për ndarjen nga jeta të shoferit të saj.

Ajo i dedikoi një postim në “Facebook”, shoqëruar me një foto. Spiropali e cilësoi atë si një njeri fisnik dhe të kujdesshëm.

Spiropali specifikoi se gardisti kishte pasur një marrëdhënie të veçantë me vajzën e saj.

“Kur komandanti i Gardës më solli jetëshkrimin me fotografinë tënde, e kuptova menjëherë që ishe i duhuri. Rrezatoje përkorësi, fisnikëri, mirësi. 12 orë në ditë, për 1 vit e gjysëm, më shoqërove kudo, i duruar, i vëmendshëm, i kujdesshëm. Çdo ditë sillje maskat, ujin, i vendosje tek dera e makinës, më tërhiqje vërejtje se pija pak. E thoje me krenari që s’kishe pirë kurrë një aspirinë. Kur më lajmëruan që ke humbur vetëdijen dhe të kanë intubuar, tronditja ishte aq e madhe sa nuk nxorra dot asnjë fjalë. Vetëm lot që rridhnin pa kontroll. Sot, që ky virus i pabesë të mori frymën dhe jetën, s’kam më as lot. Nalta të adhuronte, çdo njëri nga ne që të njohu të donte dhe të respektonte. Na ke tronditur dhe trishtuar thellësisht. Për familjen tënde nuk ka ngushëllim, por ne do iu gjendemi gjithmonë! Prehu i qetë, Gani! Dritë pastë shpirti yt i mirë!”

Shoferi i Elisa Spiropalit humbi jetën për shkak të infektimit nga koronavirusi. Ai u dërgua në spitalin “Shefqet Ndroqi” me temperaturë të lartë.

Leave a Reply

Your email address will not be published. Required fields are marked *