Një 44-vjeçare është vënë në pranga nga policia, pasi akuzohet se ka shantazhuar dhe kërcënuar një shtetase përmes rrjeteve sociale, duke i marrë një shumë të konsiderueshme parash.
Sipas njoftimit zyrtar, pas kallëzimit të bërë nga një 39-vjeçare nga Saranda, specialistët e Seksionit për Hetimin e Krimeve ndaj Pasurisë, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Sarandë, bënë të mundur ndalimin e autores së dyshuar të shpallur më parë në kërkim, shtetases:
Z. H., 44 vjeçe, banuese në Durrës, e akuzuar për veprën penale “Shtërngim me anë të kanosjes ose dhunës për dhënie pasurie”.
Hetimet treguan se kjo shtetase i kishte marrë viktimës 5000 euro përmes shantazhit dhe kërcënimeve në rrjete sociale, ndërsa vijonte ta kërcënonte për t’i marrë edhe 50 000 euro të tjera.
Materialet procedurale i janë referuar Prokurorisë së Sarandës për veprime të mëtejshme ligjore.
/vizionplus.tv
