Një mini-serial i frymëzuar nga jeta e boksierit legjendar Muhamed Ali po bëhet gati për transmetim. I titulluar “Më i madhi”, siç e quanin gjatë jetës së tij.
Konsiderohet si seriali i parë zyrtar për jetën e atletit të famshëm dhe do të luhet nga Jaalen Best , me producentë ekzekutivë Michael B. Jordan, Ben Watkins dhe Josh Wakely, të cilët siguruan të drejtat për historinë e Aliut dhe sollën projektin në Amazon.
“Jam e emocionuar që do të prodhoj Greatest me Ben Watkins, i cili kapi thelbin e historisë së Muhamedit, ” tha Lonnie Ali, gruaja e legjendës së boksit dhe producentja ekzekutive e shfaqjes.
“Lidhur me Jaalen Best, ne kemi zbuluar një perlë. Ai është një i ri kaq i talentuar që jo vetëm që mishëron Muhamedin, por nxjerr në pah qëndrueshmërinë, guximin, karizmin dhe besimin e tij”, shtoi ajo./vizionplus.tv
