Mbyllja e rrjetit social TikTok është kryefjala e ditëve të fundit. Ndërkohë sot, kryeministri Edi Rama u shpreh se përdorimi i VPN për të pasur akses në platformë është i rrezikshëm pasi hckerat vjedhin të dhënat e telefonit.
Në studion e Quo Vadis, gazetari Flogert Muça dhe kandidatja e PD-së Dhurata Çupi u “përplasën” me njëri-tjetrin.
Çupi deklaroi se vendimi i qeverisë përkthehet në cenim të lirisë së fjalës. Nga ana tjetër, Muça u shpreh se partia që ka aktivitet më të lartë në Tik Tok është PS, ç’ka do të thotë se kjo ndikon më shumë tek qeveria.
Ai u shpreh se rrjeti social TikTok nuk ka filtra ndryshe nga Facebook dhe Instagram.
Pjesë nga biseda:
Muça: Çmenduri të thërrasësh 17-vjeçarët në shesh.
Çupi: Ne kemi një kryeministër që bullizon në mënyrë të vazhdueshme.
Muça: Nëse ai është mjeshtri i komunikimit, do të thotë që do i ndikoj atij më shumë. Partia Socialiste kishte aktivitet më të lartë në Tik Tok se opozita. Opozita do ishite bërë meme, ndërsa këta nuk bëjnë gafa, të paktën. Se si po tallej me Lulin, do tallej edhe me ju.
Çupi: Ajo është tipike për të cënuar lirinë e të shprehurit.
Muça: Nëse unë guxoj të hedh në Facebook qoftë fjalën “nudo”, “dhunë”, mua ma nxjerrin me të verdhë, sepse marr penalitete, ka disa flitra. Ndërkohë, kanali i ujërave të zeza ishte TikTok-u. TikTok ka prodhuar vetëm poshtërsi.
Çupi: Hajde pra të diskutojmë, por jo t’a mbyllësh. Më thuaj një vend që është mbyllur TikTok-u? Nuk e mbyll kryeministri TikTok-un në asnjë vend të botës.
/vizionplus.tv
