Kruja është zona e cila këtë të hënë ka përmbyllur procesin e rindërtimit pas tërmetit tragjik të 26 nëntorit 2019.
336 apartamente janë dorëzuar nga qeveria për familjet që mbetën të pastrehë apo që ju dëmtuan banesat. Kryeministri Rama i shoqëruar nga zv/kryeministria Balluku, dorëzoi çelësat e apartamenteve të reja
“Këtu kryeministër, kemi 19 godina të cilat kanë 336 njësi të tre tipologjive, pra 1+1, 2+1 dhe 3+1. Ndërkohë që jemi gati edhe me infrastrukturën urbane të brendshme që ka qenë pjesë e kësaj pakete”, – u shpreh zëvendëskryeministrja Balluku.
Çdo godinë është e pajisur dhe me parkimin nëntokësor, dhe sipas ligjit shorti për përfitimin e apartamenteve po vazhdon nga njësia vendore.
Të gjitha banesat e ndërtuara ofrojnë kushte optimale për një jetesë normale.
Ndërkohë procesi i rindërtimit ka mbetur ende i hapur në Tiranë me dy kantieret e mëdha tek 5 maji dhe në Kombinat dhe nuk ka asnjë afat se kur mund të përfundojë. /vizionplus.tv
