Në përfundim të turit ballkanik, sekretari i përgjithshëm i aleancës euroatlantike, Jens Stoltenberg, ka mbledhur në Shkup liderët e vendeve të rajonit që janë anëtarë të NATO-s me fokus çështjet e sigurisë.
Në tryezën e diskutimeve janë të pranishëm, kryeministri i Maqedonisë së Veriut Dimitar Kovaçevski, i cili është gjithashtu pritës i takimit, kryeministri Edi Rama, presidenti kroat Zoran Milanoviç si dhe kryeministri i sapo zgjedhur malazez Millojko Spajiç.
Për arsye shëndetësore, kryeministri slloven Robert Golob anuloi pjesëmarrjen.
JENS STOLTEBERG
SEKRETAR I PERGJITHSHEM I NATOS
“Do të diskutojmë për sigurinë rajonale me liderët, por edhe të adresojmë sfidat me të cilat përballemi në këtë rajon, shohim më shumë gara globale, luftën në Ukrainë që vazhdon, por edhe luftën e re”
Në nisje të takimit edhe kryeministri Rama mbajti një fjalë përshëndetëse.
EDI RAMA
KRYEMINISTER I SHQIPERISE
“Më vjen shumë mirë që ne mbidhemi këtu, në një moment jo të lehtë për të gjithë, në një moment krizash të rëndash të rënda që kanë potencialin të rrezikojnë drejtpërdrejt edhe rajonin tonë. Në një moment kur këtu në rajon të gjithë duhet të fokushemi te mbrojtja dhe ruajtja e asaj që kemi arritur, që është jo pak, një paqe dhe të kemi të gjitha forcat për ta bërë këtë paqe përfundimtare dhe të qëndrueshme”, theksoi Rama.
Pas takimit, shefi i NATO-s dhe liderët e rajonit do të mbajnë një konferencë të përbashkët për shtyp.
