Kryetari i parlamentit të Kosovës Glauk Konjufca, në fjalën e tij gjatë dy mbledhjeve të përbashkëta tha se kjo seancë duhet parë si një dëshmi që dy vendet janë pranë dhe të bashkuar.
Z.Konjufca u shpreh se dy Kuvendet kanë pasur bashkëpunim të shkëlqyeshëm dhe kanë ngritur në nivel të ri bashkëpunimin ndërparlamentar.
Lexo edhe :
Kryetari i parlamentit të Kosovës shtoi se shqiptarët gjithmonë kanë qenë aleati më i natyrshëm i vlerave perëndimore në Ballkan.
Konjufca: Edhe dy muaj bëhen 3 vjet që nga agresioni i Rusisë mbi popullin e Ukrainës. Ne i kemi ndjerë ndikimet e tërthorta dhe të drejtpërdrejta. Kosova po e mbyll edhe këtë vit me sulme nga Serbia. Sulmi që u bë para pak ditësh nuk mund të konsiderohet ndryshe përveçse si sulm terrorist. Ky sulm vjen një vit pas një tjetër sulmi të rëndë. Organizator i këtij sulmi është Radoiçiçi i mbështetur drejtpërdrejtë nga Vuçiç dhe mbetet ende i pandëshkuar nga drejtësia në Serbi e cila pothuajse nuk ekziston fare. Mund të them që si Kuvend kemi pasur bashkëpunim të shkëlqyeshëm dhe e kemi ngritur në nivel të ri bashkëpunimin ndërparlamentar. Synojmë të njëjtën familje, Shqipëria ka ecur para në rrugën e integrimit dhe mësimet e saj do jenë të rëndësishme për ne pavarësisht masave absurde që n ai ka vendosur BE. Kosova mbetet kampion i demokracisë në rajon dhe me këtë duhet të krenohemi të gjithë ne si popull. Shqiptarët gjithmonë kanë qenë aleati më i natyrshëm i vlerave perëndimore në Ballkan. Kjo seancë duhet parë si dëshmi që Kosova dhe Shqipëria janë pranë njëra-tjetrës. /vizionplus.tv
